"البوست الأول: عن "علي الطيب

الممثل الـ"chameleon" اللي لو عمل تراجيدي هيعيطك ولو كوميدى هيموتك من الضحك بشكل عفوي مافيهوش بجنيه اصطناع.

---

متابعة علي الطيب من 2010 فى ستكوم "#مش_فريندز" وكان الوحيد اللى إيفهاته بتضحكنى بمنتهى السلاسة وفضل معلم معايا بظهوره المتنوع في "#على_جثتى" و"#حكايات_بنات" لأنه بيعرف يخلي كوميديته تختلف كل مرة ثم جَه دوره الصادم اللى يخليى نظرتك تختلف له 180 درجة في فيلم "#اشتباك" وأزاى بيستخدم كل أدواته من شكل وbody language وطبقة صوت ومخارج ألفاظ وستايل فكل مرة تحس أنك بتكتشفه من أول وجديد حتى لو كان طالع مشهد دقيقة زى فى فيلم "#ماتعلاش_عن_الحاجب" كان حريص أن شكله يختلف والسينما كلها ماضحكتش غير لما طلع مع أنه قال جملتين ومشي.

اللى بيعجبنى فى علي أنه مش بيتبت فى أنه يظهر كتير أو مساحته كبيرة بقدر اهتمامه بأنه ينقي صح "ممثل يجيد الانتقاء" بجد، فتلاقيه ظابط فى "#طلق_صناعى" ومسلسل "#الرحلة" وفى "#قابيل" ومافيش ظابط فيهم يشبه التاني.

شخصية "أسامة سكسكة" اللى لعبها فى "#فوتوكوبي" كانت عبقرية قدر يخلي مشاعرك تضطرب تجاه الشخصية ما بين إنك تحتقرها وبعدين تحبها وتحترمها ثم تشوف بقى التحفة الفنية اللى اسمها "وديع البساطي" فى مسلسل "#أهو_ده_اللى_صار" اللى هو تقريباً من أجمل وأغنى الشخصيات اللي قدم انتقالها مادياً وفكرياً وحتى عمرياً فتقعد تتعلم وتشوف صوته وشكله ونظراته بتتدرج وبتختلف أزاى.

حط بقى كل الاجتهاد والموهبة والقبول والكاريزما اللى بتطغى على أى حد قدامه فى الكادر على جانب، وركز فى إن مافيش حد أتعامل مع علي إلا وقال ده اسم على مسمى "طيب"، دمت طيباً يا علي.

#غزل_عفيف 1