"البوست العاشر: عن "انتصار
- Mirna El Mahdy
- Jun 2, 2019
- 1 min read
القنبلة الفنية المرعبة.
موهبتها بتنفجر قدام الكاميرا وتفضل تمتد وتتوسع لحد ما تغطي كل اللي حواليها.
بجانب عضلات موهبتها اللي مقوية قلبها، انتصار عندها قدرة جبارة بتمكنها تعمل أي دور وأي لون حتى لو دور الأم لممثلين معظمهم في سنها (في ممثلات مسبسبات كتير بيرفضوا النوعية دي من الأدوار عشان تفضل طول عمرها في نطر الجمهور الكتكوتة اللي ماكسرتش ال25) بس انتصار غير.
عندها قوة سحرية تخليها تقنع المشاهد بدورها أياً كان هو أيه وتخليك مركز في تفاصيل أداءها، وتقدر بجدارة تقنعك أنها الست الألعبان في #سهر_الليالي، #أبو_على و #وش_تاني، وهى نفسها اللي خلتك تصدق أنها الأم المصرية المطحونة في #واحد_صفر وفي #ذات و #يتربى_في_عزو وهى بردو الكوميديانة العبقرية في#الرجل_العناب و #راجل_وست_ستات و #خلصانة_بشياكة ودورها في #ليالي_أوجيني ده تحفة فنية محتاج بوستات كتير عشان نوفيه حقه.
من الآخر، انتصار جريئة وشاطرة بشكل ماحدش يقدر ينكره ولا يغفله لأنها مش بتمثل، دي بتخلق الشخصية.
#غزل_عفيف 10
Komentáře