"البوست الاتناشر: عن "شريف منير
- Mirna El Mahdy
- Jun 7, 2019
- 1 min read
يتميز مواليد برج الثور بالإصرار وهكذا هو #شريف_منير
"وجرب نار الغيرة" - "ده أنت حبيبي من أيام الجيزة" - "جَت فى الأنونجي" - "أنا اسمى الحقيقي دانيال".
إصرار شريف منير فى تقديم أدورا متنوعة ومختلفة من أول ظهوره مع محمد صبحي فى مسلسل "رحلة المليون" وصولاً لفيلم من 30 سنين ومسلسل #ألف_ليلة_وليلة و #الزيبق بيؤكد على شغفه كفنان.
ممثل عنده غنى وثراء فنى فى منافذ التمثيل المختلفة من مسرح فى #ألابندا و #كدة_أوكيه و #حزمني_يا و #رد_قرضي وسينما وتليفزيون بشخصيات أبدع فيهم كلهم وقدر يسيب أدوار وعلامات ورصيد كبير عند جمهوره.
تقدر تقف عند محطاته المميزة فى دور الشاب المصري الفهلاوي فى #الكيت_كات، الراجل السنجل اللى بيقدس عزوبيته فى #سهر_الليالي الزوج الشكاك المريض نفسياً فى #ويجا الجاسوس الإسرائيلي اللى مالوش غالي فى #أولاد_العم والظابط المصري والزوج الأصيل فى #الزيبق والأب النسوانجي الصايع فى #حلم_عزيز والمواطن الغلبان اللى أحلامه أبسط من البساطة فى #قص_ولزق.
الفنان شريف منير مالوش دور وحش حقيقي ومش قادرة أفتكر له عمل واحد أساء فيه الاختيار ولا كروته ولا مَدالوش حقه وده يؤكد على أنه مش بيهتم بالتواجد المستمر بقدر ما بيهتم بانه يقدم حاجة تليق بجمهوره اللى بيحبه وبيستناه.
مش هتكلم عن أخلاقه وسعة صدره اللى الكل بيحلف بيها بس أنا حابة أركز على أداءه وتمثيله اللي حقيقي بستمتع بيهم وأتمنى مايعديش موسم درامي ولا سينمائي من غير ما يكون له عمل نتفرج عليه عشان اللى زيه ماينفعش يغيبوا عنا كتير.
#غزل_عفيف 12
Comments