"البوست التاسع: عن "أسماء أبو اليزيد
- Mirna El Mahdy
- May 28, 2019
- 1 min read
بنت الشمس ذات العيون الناطقة.
اسماء أبو اليزيد لو عملت دور خرساء عيونها هتوصل للمشاهد السيناريو والحوار كاملين...طب أفتح كدة الصور وشوف نظراتها!
نظراتها تخلي قلبك يتحرق عليها في #هذا_المساء، أو تشوفها ساذجة في #أنا_شهيرة_أنا_الخائن، أو توقعك في حب طموحها وإصرارها وقوتها في #ليالي_أوجيني ولا تموتك من الضحك في #الكويسين و #هوجان. الموضوع وصل إني دخلت فيلم #ماتعلاش_عن_الحاجب وكانت طالعة فيه منقبة وعرفتها من عيونها من قبل ماسمع صوتها حتى ولا أقرا اسمها على الأفيش.
أسماء، حفيدة إيزيس، بتقدم شكل وجمال مصري فريد من نوعه على الشاشة، ده غير إن ذكاءها في توظيف موهبتها واختيار أدوارها مش أقل جمالاً من ملامحها وكاريزمتها.
بترسم وبتغني وبتمثل وبتعمل دوبلاج وموهبتها تخليها تستحق تبقى بطلة عمل لوحدها لأنها حقيقية، حقيقية 100% مش بلاستيك وأحنا كمشاهدين مش عايزين غير كدة، الموهبة الصافية بدون أي اصطناع.
Comments