"البوست التالت: عن "نيللي كريم

لما القوة والانضباط الروسي يمتزجوا بالجدعنة والطيبة المصرية تبقى الأجابة #نيللى_كريم.

---

(#ذات - #سجن_النسا - #تحت_السيطرة - #سقوط_حر - #لأعلى_سر - #اختفاء)

نيللي بأعمالها قدرت تبقى صوت المرأة اللى نادراً ما الدراما بتعكسها بشكل واقعى، فكانت هى الأم والابنة والزوجة والعشيقة، هى اللى أتخانت وأتخدعت وهى اللى أذنبت وغلطت وهى اللى غدرت وهى اللى ضحت وهى اللى أنتقمت وهى اللى غفرت. كل الحالات والقصص دى عشناها معاها لأن الأهم من موهبة وشطارة الفنان هو قوته وإرادته. الفن بكل مشتقاته بيتغذى على المثابرة وفي مصر بالذات اللى نفسه قصير ورجله مهزوزة مش هيستمر ومن ظهور نيللى مع فاتن حمامة فى مسلسل "#وجه_القمر" ودورها فى "#حديث_الصباح_والمساء" ولحد ما بقالها 6 سنين متربعة على عرش الدراما العربية وهى بتعافر وبتثابر وبنشوف مساحتها وأدوارها تكبر وتصغر وجلدها يتغير من كوميدى لتراجيدي لأكشن لحد ما نورت فى "#واحد_صفر" ثم تفجرت موهبتها فى "#ذات" وقدرت الباليرينا المجتهدة المثابرة تدخل قلوبنا بخفة وتورينا موهبة ما يختلفش عليها اتنين.

هى مش بس ممثلة قديرة، نيللي ست قوية من نظرات عينيها هتؤمن بأنها لو وقعت هتقوم تانى وإن تعبت هتسند نفسها وتستعيد قوتها وكإنها امتداد لـ #إيزيس المصرية المحاربة.

والسنة دى، أحنا مفتقدين القوة النسائية اللى بتديهالنا بقالك ست سنين متواصلين.

#غزل_عفيف 3