"البوست تانى: عن "روز البيه

Mirna El Mahdy
May 28, 2019
1 min read

"أماني" فى المسلسل الأمريكي "#Ramy"، مرات ليتو الجواهرجى في " #تراب_الماس"، البنت الصايعة الـSavage في "#شوكة_وسكينة" وسارة فى مسلسل "قابيل"...روزالين البيه وهى فعلاً rose مفتحة يا جماعة.

كاتبة وممثلة وعالمة آثار سابقاً ولها أعمال مختلفة فى إنجلترا وأمريكا وأخيراً نورت الدراما المصرية عشان نكسب بنت مش بس بتملك وجه ملائكى وملامح تنتمى للعصر الملكي الشيك، دى ما شاء الله موهوبة جداً وقدرت بظهورها فى أول حلقة من قابيل أنها تلفت أنظار الناس لها بسبب تمكنها من تأدية دور الحبيبة الطيبة الملائكية، بس تخيل بقى أن سارة الليدى الكيوت جداً دى هى نفس الممثلة اللى طلعت فى دور مميز جداً فى فيلم "شوكة وسكينة" فى شخصية بنت wild وsavage حرفياً هانت شرف شخصية إياد نصار فى مشهد خلى السينما كلها تصقف لها.

ديماً وجود وجوه جديدة فى أدوار قوية ومساحتها كافية لإبراز موهبة الممثل بينعش السينما والدراما وبتبقي مكسب لينا كمشاهدين وأنا متحمسة جداً لروز.