أزاى (1): أزاى تعرف إنك كاتب؟
- Mirna El Mahdy
- Nov 6, 2017
- 1 min read
Updated: Mar 3, 2021
الكتابة موهبة بنتخلق بيها والموهبة زى الحجر الكريم، بتحتاج الإنسان يحفر جواه عشان يلاقيها. البعض بيبقى محظوظ وبيكتشف موهبته بدرى والبعض الآخر بيفضل سنين على ما يعرف هو أصلاً موهوب فى أيه والبؤساء بيعشيوا ويموتوا من غير ما يعرفوا خالص.
سألت مجموعة من المحترفين والمبتدئين ولقيت أن دى علامات مشتركة بين أغلب اللى عندهم موهبة الكتابة بالفطرة فهَتلى ورقة وقلم وشوف هتجيب كام من 15:
مهتم تقرا المقالة دى للآخر.
بتسمع أكتر ما بتتكلم.
طول عمرك المعالج النفسى اللى فى الشلة وكاتم أسرارهم.
كنت بتكتب تعبير (مواضيع إنشاء) حلوة وأنت صغير.
الأخطاء الإملائية بتعصبك بشكل مبالغ فيه.
عارف الفرق بين الهاء المربوطة والتاء المربوطة.
بتقرا روايات بهدف إنك تحللها أكتر من إنك تستمتع بيها.
فلوسك رايحة على الروايات (لو روائي) أو على الأفلام (لو سيناريست).
لما تتفرج على فيلم بتركز فى الحوار واختيار الكلمات أكتر من التمثيل والديكور.
بتتخيل باك ستورى (ماضي) لكل شخص بتتعامل معاه.
ما بتحكمش على ظواهر الأمور وبتحب تعرف الحكاية كاملة.
بتعرف معنى ووزن كل كلمة بتقولها وبتختار كلماتك بعناية.
ديماً بتتخيل إن فى حد بيسرد أحداث حياتك باللغة العربية.
بتسرح فى تفاصيل زى حركة الجسم وتعبيرات الوش ونبرة الصوت.
رؤيتك مختلفة لكل موقف وبتقدر تشوف كل حاجة من أكتر من زاوية.
لو جبت فوق الـ8 يبقى أنت فى البلوج الصح.
يوم الخميس هينزل بوست عن أزاى تخلق قصة، سيب إيميلك وأشترك فى الNewsletter وهتوصلك كل المقالات الجديدة ونصايح لتعليم الكتابة وروايات مجانية أول بأول.
تم 😅😅